ااحلا االبنااات-A7la Girls

لا تنسيين تسجليين في منتداانااا ترااج بتورييناا ^_^
 
الرئيسيةاليوميةس .و .جبحـثالأعضاءالمجموعاتالتسجيلدخول

شاطر | 
 

 روايـة "بنـات الجامعـه"

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
vip-sportya

avatar

المساهمات : 24
تاريخ التسجيل : 26/03/2012

مُساهمةموضوع: روايـة "بنـات الجامعـه"    الثلاثاء يونيو 26, 2012 12:49 pm

السلام عليكم
اتمنى تنااااااااال اعجبكم يارب
الشخصيات
كل الاسماء المذكورة الان طالبات في اخر سنة من الثنوي

فلوه : في الثانوية الاولى في عليشة وحيدة اهلها ولها ستة اخوان وهي اصغرهم ابوها متوفي وهي دلوعة امها
وحالتهم الماديه متوسطة



___________________________


اريج : في ثانوية نجد الاهلية في العليا بنت عز ونعمة عندها اختين وثلاثة اخوان اهلها موفرين لها كل سبل الدلع والراحة وما تمشي الا وراها وحده تسفط لها العباة ,طويلة نحيفة بشرتها حنطية
ووجها حلو بس النعمة و طراوة العز مزينتها
_________________________


سمر , جميلة , حنان : صديقات في الثانوية 28 بسويدي حالتهم المادية متقاربة ودخلهم فووق المتوسط بشوي
سمر : سمراء غامقة جسمها سمين و دبة وطولها متوسط وتموت في شي اسمه اكل
جميلة : بيضاء شعرها خشن جسمها متوسط مطووعة مره مره دايم على سجادتها
حنان : حنطية طويلة رشيقة شعرها ناعم تحب التزين والتكشخ

______________--


رنيم: في الثانوية 53 في الدخل بشرتها سوداء وجها حلو نحيفة وطويلة نعومة بس اهلها عرابجة الله يستر عليهم حالتهم الماديه شينة مره مره مره
وعليهم ديون الى قبل وابوهم تطارده الشرطة من مكان الى مكان


______________________________



عبير: في الثانوية 45 بشرق الرياض
حلوه بيضاء وطويلة مره كانو اهلها تجار مره وانهار ابوها مع الاسهم والبورصة وصارو تحت الحديده
عشان كذا عبير تخفي حقيقتهم وتمثل قدام صديقاتها انهم مازالو عيال عز وكشخه



كل وحده من هالبنات السبع ودها تجيب نسبة وتدخل الجامعة وصايرين 24 ساعة مذاكرة شوفو عاد من الي تجيب نسبة ومن الي تدخل قسم زين وش صار معهم




ستظهر شخصيات جانبـيـة في الرواية حسب الاحداث




~~~~

فاصل ونواصل
عدنا ليكم ههههههههـ


الفصل الاول


حين عادت فلوه من المدرسه وجدت امها جالسة في الصالة وحيدة معها بريق شاهي
فلوه: وش فيك يمه قاعدة لحالك
ام فلوه : والله كل واحد من اخوانك يمر ويطق السلام ويقول يمه تبين شي وقبل ما احكي
القيهم صاكين الباب طالعين تكفين هذولا عيال
فلوه: الله يهديك يمه تراهم شباب وكل واحد وراه همومه وربعه يعني على بالك بيقعدون يقابلونك
وحبة فلوه راس امها وقالت مالك فها الدنيا يا يمه غيري - وهي تبتسم -
ام فلوه: والله يبنيتي صدقتي مافي هدنيا يحس فيني غيرك انا ونتي يا بنيتي مثل القدر وطباقته ما ينفع القدر بلا طباقة
ولا الطباقة بالا قدر قولي امين
فلوه : امين
ام فلوه: الله يفتحها عليك دنيا واخرة وير**ك ببن الحلال الي يعيشك في جنة ولا يحيجك لاحد
فلوه : يمه خلي ابن الحلال لين اخلص دراستي ادعي لي اني اجيب نسبة وادخل الجامعة واصير شيء يحكون
به الناس كلهم
ام فلوه : الله يعطيك الي في بالك ويكفيك شر الحرام يا بنيتي
حطت فلوه شنطتها على كتفها وطلعت فوق لغرفتها تغير ملابسها __________________________________________________ ___________
بصوت واحد ..
Happy Birthday Happy Birthday
سنة حلوه يا اريج سنة حلوه يا اريج
ثم اجتمعت الرؤس على تورتة عيد الميلاد الكبيرة
ثم اطفشت 18 شمعة
ثم التمت العائلة على اريج تقبلها وتبارك لها عيد ميلادها الثمانية عشر
تالا (اخت اريج الكبراء ): مبروك يا اريج عقبال ما نحتفل فيك وضروسك طايحه
اريج : والله يا قلبي مهب طايحة ضروسي قبل ما تطيح ضروسك
- و ظحك الجميع -
يقدم ياسر ( اخو اريج ) هديته ويقبلها على جبينها ويقول عقبال هدية التخرج وانا اشوفك محامية كبيرة قد الدنيا
( دائما حلم اريج انها تجيب نسبة عالية وتدخل كلية الحقوق و تصبح محامية ومن اهم اولوياتها الجفاع عن حقوق المرأة
و ارجاع مكانتها في المجتمع )
جلست العائلة كلن معه قطعة جـاتوه و بدأو يشربون العصير ويحتفلون بطريقتهم بعيد ميلاد اريج

الجزء الثاني :



دق جرس الطابور الصباحي في الساعه السادسه وخمس وارعبين دقيقه
في الثانوية 53 وانتشرن المراقبات في ساحات المدرسة للملمت الطالبات وجمعهن .
وبدأ الصراخ والهياج والضوضاء .... وكأن الطالبات قطيع من الغنم الهائت يتدافعن بقوه ....
كانت رنيم تجلس مع الشلة ( نوره .. و منيره .... و بعض من البنات ) ...كانت نوره تلبس مريول رصاصي ضيق جدا ....وقد فتحته من الصدر ورسمت على صدرها تاتو قلب حب ..... ورفعت اكمامها
حتى مرفقيها .
قالت نوره للشلة : ترانا على اتفاقنا بندخل الحصة الاولى لين يا خذون الغياب ......
بعدين ننحاش الحصة الثانية انا ومنيره ورنيم وانتم الباقين دوركم الحصة الخامسة .
الشلة : اوكي
وصلت المراقبة لهم وهي تصرخ: عمى ان شاء الله ......وش مقعدكم ما تصفون ؟؟؟؟ مطت خشتها منيره في وجه المراقبة وقالت: عمى في عينيك تراك تكلمين اوادم احترمي نفسك .!!!!!!!!!
المراقبة : ماشاء الله اهلكم يولدونكم ... ويذبونك في كبودنا .

صفو الطالبات في الطابور وحين انتهت الاذاعة المدرسية دخلو البنات الفصول
دخلت ابلا هدى فصل 3/3 ادبي وبدات حصة الرياضايات وفجأه سقطت سعدى بنت معيض
وهي ترجف برجليها وتقول : والله لاذبحه والله لاذبحه ..!!!!!!!!!!!!!!
ابلا هدى : رنيم بسرعه نادي المراقبة ...
التفت ابلا هدى على سعدى وقالت بعصبية :.. ياسعدى مايدخلك الجني الا في حصتي ...والتفتت ابلا هدى
وصرخت في البنات يالله كل وحدة في مكانها يعني اول مره تشوفون سعدى طايحه قدامكم .

جاءت المراقبة وامسكت بسعدى وقالت لها ابله هدى: يا اختي شوفو لهالبنت صرفة
هي و بنت عمها شاهرة كل مره ينقطع الدرس بسبتهم يسهرون في هاليل يرقصون ويغنون
بسم الله الرحمن الرحيم واذا جاء النهار طلع جنيهم علينا .
المراقبة: تحمدي الله يا ابلا هدى .... الله يعافينا مما ابتلاهم .

بدات الحصة الثانيه وتسللت نوره و منيره ورنيم وانحاشو متجهين للدور الثالث ولمحتهم
المراقبة فراحت مباشرة مع الدرج الثاني تحدهم و لاقتهم وانحاشت منيره ونوره للحمامات ....
ورنيم رجعت على طول للفصل ........ قعدت المراقبة تدورهم .... و مالقتهم ....... ورجعت تشوف الفصل .

منيره ونوره طلعو لغرفة الكهرب الي عند الدرج تخفوا فيها والغرفة مليانه وسائل للمعلمات ...
وجلسو ....... اخرجت نوره بكت ال**اره وبدو يتتنون في هذي اللحظة وصلت المراقبة للفصلل
ولا لاقتهم .

المراقبة لرنيم : وين نوره ومنيره ... والله اما اعترفتي لانقصك في السلوك .... وانتي تعرفين وش معنى نسبة ثالث ثانوي .
رنيم: اظن طلعو للسطح .
راحت المراقبة تدورهم وعند الدرج شمت ريحة الدخان وصارت تنادي .........
نوره منيره ....... خافت نوره و طفت ال**اره بسرعه ...!!!! ومنيره ترتجف ورمت ال**اره وانحاشو ...ورجعو للفصل .
ال**اره طاحت على كومة من الورق وبدأت تشتعل قليللا قليلا ولانها غرفة كهرب امتدت النار للكيبل وولعت فيه ثم دوا صوت كالقنبلة والتمست اسلاك الكهرب
واشتعل الحريق بقوه من كل اتجاه .......والبنات طلعوا من الفصول يصارخون ومعهم المديره والملعمات : حريق حريق !!!!!!!!!!
وتدافعن جميعا الى الدرج ثم تزاحمو فمهنهم من سقط مغمى عليه .......
و منهم من استطاع الفرار........ ثم انسد الطريق ولم يستطيع احد المرور وحدثت فوضى عارمة .

اتصلت المديره بالدفاع المدني وفتحت الابواب وهربن المعلمات و خرجو الناس من بيوتهم للتفرج
وكان يوم بائس حدث فيه وفيات واختناقات وتشوهات .
__________________________________________________ _______________-

اليوم الثاني صباحا في المدرسة الثانوية 28

سحر تمشي مسرعه وبيدها جريدة الجزيره ........وتصل الى شلتها وتقول : قريتو هالخبر يا بنات يقولون شبت حريقة في مدرسة 53 في الدخل المحدود .
حنان: من امس العصر وانا دارين ....... وما دريتي يقولون مات فيها بنات واحترقو بنات .!!!!!!!!
سحر : يووه .......ما تدرون وش السبب ؟؟!!!!
جميلة قالت : انا بنت خالتي صديقتها تدرس في نفس المدرسة تقول ان فيه بنات يقال لهم بنات معيض هم السبب في الحريق .
حنان: وش بنات معيض ذولا .
جميلة : يقولون هذولاي بنات معيض بنات عم وداخلهم جني (بسم الله الرحمن الرحيم الله يقاصرنا ويقاصرهم بالاحسان )و طالبات في المدرسة 53 ...
تطاقت وحده منهم مع مدرسة الرياضيات وطردتهاالمدرسة من الفصل وحلف الجني اللي فيها انه يحرق المدرسة ......وفجاة احترقت المدرسة .

قالت وحدة من الطالبات : مهيب القصة كذا .......... القصة يقولون ...ان بنات معيض تطاقوا مع بنات مسفر.. وان عمة بنات معيض حلفت تنتقم من بنات مسفر...
وجت في اليوم الثاني ..ومعها اختها.. ومعهم ملف اخضر.. قدام البواب كنهم بيسجلون .. ودخلهم البواب والعمة معها جالون فيه موية نار.. وراحو لفصل بنات مسفر وكبو عليهم
الموية يهددونهم ..و افياش الكهرب قريبة منهم وصارت الحريقة .

سحر :ياهي مدارس هالدخل مشكلة .
حنان : والبنات اللي فيها متخلفة .. ماادري وشلون عايشين حياتهم .
جميلة : كل هذا من قلة الوعي الديني لو كان عندهم معرفة بالدين وتعاليمه ماصارت حياتهم كذا.
سحر : صادقة ... وحدة من جماعتنا تدرس في الدخل تقول مدارسهم من افضل المباني ما تلقينها في اي مكان .. وعندهم احسن المدرسات بس المشكلة في بيوتهم واهاليهم
هذولا يحتاجون محاضرات ودروس توعية وارشاد .
__________________________________________________ __________________

صدر تقاعد والدة عبير والتي كانت تعمل مديرة في مدرسة من مدارس الشرق . وتضايقت كثيرا من هذا القرار والذي صدر في وقت انهيار زوجها وقد كان راتبها هو الامل الوحيد لتعويض جزء من تلك الحياة التي يعيشونها
...رضت بالامر الواقع وتفاهمت مع عائلتها لتقبل الوضع ...والعيش على راتب التقاعد بعد ان يقتطعون جزء منه لايجار البيت الجديد بعد ان طردوا من قصرهم لتسديد ماعليهم من حسابات .
جلست عبير ووالدتها يحسبون المصاريف وكيفية توزيعها واكتشفوا انهم لايستطيعون توفير ريالا واحدا بل العكس المتطلبات اكبر من حجم المال الموجود لذلك تنازل جميع افراد الاسرة عن معظم احتياجاتهم الخاصة والتي تعودوا عليها ومنهم عبير التي قالت لامها : المشكلة يمه في الجامعة بعدين وشلون بمشي مع البنات .
امها : لين تسجلين في الجامعة يفرجها الله ولا هو لازم من هالماركات اللي تعودت عليها عندك ستي ماكس ولا احسن .
عبير : صادقة يمه من بيربي وقوتشي وفيتون لستي ماكس يمه اللحين البنات يقيمون البنت على لبسها ... والله لو درو عن حالتي ان يشنعون فيني عند الله وخلقه .... انا بستمر على لبسي حتى لو اجوع .... كلش امي الا برستيجي الخاص ...الاهنا وقفوا .
صحيح الدنيا صعبة في هالزمن وكلن يلف على اللي يشبهه وبنات ستي ماكس وايتام وبرومد ماهم من لبسي ولا ستايلي .
امها : يا بنيتي الدنيا مهيب مظاهر .. شفت اهل المظاهر يوم طاح ابوك كلهم تناحشوا ولا واحد منهم وقف معه .... وهو اللي كان فاتح لهم بيته ياكلون ويشربون ويكركرون وينهم يابنيتي .

__________________________________________________ _________________

فلوه تتقهوا مع اخوها لامها راشد ,,, امها كانت متزوجة واحد قبل ابوها ومات وجابت منه راشد ,,, ثم تزوجت ابو فلوه وجابت باقي الاولاد ورا بعض وآخر ولادة كانت فلوة ....... راشد هذا متزوج ومستقل عنهم وبعد مامات زوج امهم صار المسئول عنهم يرعاهم ويفقدهم اذا احتاجو وكانت فله تحبه موت لطيبته وحبه لها وما يشوفها محتاجة هي ولا احد من اخوانه شي الا ويساعدهم .
راشد : وش اخبار الدراسة يا فلوه ...... ترى انت نسبة اللحين .
ام راشد : ويه ياوليدي قبلها مقابلتني كن ماعندها دراسة ..حبها لها السوليف وقعدات الحريم بتضيع عليها الجامعة .
فلوه : يمه خليني اتثقف بكرة الا جا الرجل وليني ما ادري عن شي مثل هاللي صاكين على انفسهم بهاالمذاكرة ...انا يمه شهادتي بيتي وعيالي .
راشد وهو يضحك : اشوف هالخطاب زحمة عند الباب .
فلوه معصبة : اصبر بس اما خطبني عبد العزيز بن فهد ما اكون فلوة .
ام راشد : الا يخطبك اللي احسن من عبد العزيز بن فهد بس انت ادعي ربك .
راشد : شوفي يا فلوة اذا انت محتاجة مدرسة للانجليزي قولي لي .
فلوه : الله يعافيك يا اخوي ..اذا احتجت بقولك .

__________________________________________________ ___________________

في بيت أهل جميلة قايمة القيامة ولا قعدت ....تدرون ليش ؟
متقدم واحد لجميلة كالعادة وهي معندة وراكبة راسها ماتعرس .
المشكلة في اخوات جميلة الخمس ... كل وحدة منهم اصغر من الثانية بسنة او سنتين ...
حتى تقرر جميلة الزواج يكونون عنسوا .
جميلة : شوفي يمه عرس مانيب معرسة .. مابي رجال يتحكم فيني .. ويقعدني في البيت ويلهيني عن الدعوة .
ام جميلة : ياجميلة هذا ملتزم مثلك ..ومدرس ... وعنده اعارة على الامارات ..وين بتلاقين مثله .
جميلة : عندكم اختي ساره ..زوجوهاياه ..اذا انتم متحسفين عليه .
امها : يا بنتي .. يبي يمشي بك العمر وتحسفين على هاللي تردينهم ..بكرة اذا شفت اخواتك بعيالهم وبيوتهم بتموتين قهر ..ترى مااحد يدور مصلحتك في هالدنيا مثلي .
جميلة : قفلوا ها الموضوع ..واذا جاكم احد لي لا تعلموني .

احتارت ام جميلة وتشاورت مع عيالها وبناتها ... وقررت في الاخير ترد الرجال .. لكن المفاجأة ان ام الخاطب طلبت سارة اللي اصغر من جميلة مباشرة ..
وما ترددت سارة .. وافقت على طول بس بشرط .. ينتظرون سنة ونص ... حتى تخلص ثالث ثانوي ..وتكمل الجامعة اذا تزوجت .
وافق الخطيب وتباشرو اهلها .. وزارتهم الام وبناتها ..وشافوا سارة واعجبتهم

---------------------------------------------------------
انشالله اكمل ان اعجبتكم

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Dloo3t-Amooltii

avatar

المساهمات : 24
تاريخ التسجيل : 26/03/2012
العمر : 19

مُساهمةموضوع: رد: روايـة "بنـات الجامعـه"    الثلاثاء يونيو 26, 2012 1:22 pm

ناآاآاآاآاآاآاآاآاآاآايــــس , التكملللله بليــــــــــــــــــــــــــــــز !!!!
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
روايـة "بنـات الجامعـه"
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
ااحلا االبنااات-A7la Girls :: A7laGirls-العام :: A7laGirls-الروايات-
انتقل الى: